Վերջին երկու օրվա ընթացքում բորսայից փոխանցվել է ավելի քան 1,6 միլիարդ դոլար արժողությամբ թվային դրամ: Ինչու՞ են օգտատերերը ակտիվները հանում առևտրային հարթակից և ինչպե՞ս կարող են դրան արձագանքել գնանշումները:
IntoTheBlock վերլուծական ծառայության տվյալներով՝ հուլիսի 27-ին 13,8 հազար բիթքոին է հանվել աշխարհի խոշորագույն կրիպտոարժույթների Binance բորսայից։ Առևտրային հարթակից թվային դրամների արտահոսքը շարունակվել է հուլիսի 28-ին։ 15 րոպեում Binance-ից հանվել է գրեթե 30 հազար բիթքոին (փոխանցման պահին փոխարժեքով 1,1 միլիարդ դոլար)։ Կրիպտոարժույթը բորսայից դուրս է բերվել երեք հավասար գործարքներով:
Կրիպտոարժույթի զանգվածային դուրսբերումը Binance-ից կարող է լավ ազդանշան լինել աճի համար, բայց դա ոչ մի կապ չունի ներկայիս շուկայական իրավիճակի հետ, ասում է BestChange.ru-ի ավագ վերլուծաբան Նիկիտա Զուբորևը։
Հուլիսի 27-ին Binance-ը հայտարարեց բիթքոինի դուրսբերման ամենօրյա սահմանաչափի անկման մասին այն օգտատերերի համար, ովքեր անցել են ստանդարտ ստուգում: Նման օգտվողները կկարողանան օրական հանել ոչ ավելի, քան 0,06 բիթքոյին: Նախկինում այս սահմանաչափը կազմում էր 2 բիթքոին: Բորսայի հաճախորդները, ովքեր կանցնեն ինքնության ամբողջական ստուգում, կկարողանան օրական հանել մինչև 100 բիթքոին:
Հուլիսի 26-ին հայտնի դարձավ, որ Binance-ը սկսել է սահմանափակել նոր օգտատերերի համար լծակների սահմանաչափը մինչև 20 անգամ՝ ֆյուչերսների առևտուր անելիս: Twitter-ում կայքի գործադիր տնօրեն Չանգպեն Չժաոն ասել է, որ երկու շաբաթվա ընթացքում լծակների սահմանաչափը հինգ անգամ կկրճատվի բոլոր օգտատերերի համար։
Կրիպտոարժույթների խոշոր սեփականատերերը շարունակում են բիթքոին կուտակել։ Վերջին մեկուկես ամսվա ընթացքում «կետերը», որոնց հասցեներում կա 100-ից 10 հազար բիթքոին, գնել են 170 հազար դրամ։ Միայն վերջին տասը օրվա ընթացքում կրիպտոարժույթի խոշոր սեփականատերերը գնել են 40000 բիթքոին։
Թարգմանությունը՝ Ալեքս Գևորգյանի