Աստված մեզ տվել է այս արժեքավոր կյանքը վայելելու համար: Մենք անցնում ենք կյանքի բազմաթիվ փուլեր. երբեմն ապրում ենք երջանիկ ակնթարթներ, երբեմն՝ դժվար ժամանակներ։
Երբ վատ ենք, շարունակ խոսում ենք միայն դրա մասին, մեղադրում բախտին, շրջապատող մարդկանց։ Երբ լավ ենք, հազվադեպ ենք հիշում լավ օրերը: Նույնիսկ այդ երջանիկ ժամանակաշրջանում՝ մենք շարունակում ենք խոսել մեր վատ ժամանակների մասին։
Երջանիկ ակնթարթներից են ուրախ տոնակատարությունները, ծննդյան տարեդարձը, որին մենք սպասում ենք երկար, բայց որը տևում է շատ կարճ՝ անկթարթներ։
Այդ երջանիկ ակնթարթներն են, որ վերածվում են հիշողությունների, որոնք մեզ լիցք են տալիս և գունավորում մեր կյանքը երկար ժամանակով։
Պետք է փորձենք վայելել մեր կյանքի յուրաքանչյուր ակնթարթը։ Առավոտյան մեզ կարող է ուրախություն պարգևել թռչունների դայլայլը, երեկոյան՝ գեղեցիկ մայրամուտը։
Մենք պետք է վայելենք այս բոլոր փոքրիկ իրադարձությունները և չկորցնենք կենսուրախությունը: Կյանքը չափազանց թանկ է։
Մի մտավորական ասել է , որ մենք պետք է ապրենք մեր կյանքն այնպես, կարծես վաղը մեռնելու ենք, և դասեր քաղել դրանից, կարծես թե պետք է հավերժ ապրենք:
Հեղինակ՝ Մոնիկա Պողոսյան
«Պատուհան» ամսագիր 