Ուկրաինա երկիրը գտնվում է Արևելյան Եվրոպայում, երկրորդ մեծ երկիրն է մայրցամաքի վրա Ռուսաստանից հետո։ Մայրաքաղաքը Կիևն է, տեղակայված է Դնեպր գետի մոտ, հյուսիս-կենտրոնական Ուկրաինայում։
Լիովին անկախ Ուկրաինան ի հայտ դարձավ միայն 20-րդ դարի վերջին՝ Լեհաստան-Լիտվա, Ռուսաստանի և Խորհրդային Սոցիալիստական Հանրապետությունների Միության (ԽՍՀՄ) հաջորդական տիրապետությունից հետո։
Ուկրաինան անկախության կարճ ժամանակաշրջան է ապրել 1918-20 թվականներին, սակայն Արևմտյան Ուկրաինայի որոշ հատվածներ երկու համաշխարհային պատերազմների միջև ընկած ժամանակահատվածում կառավարվում էին Լեհաստանի, Ռումինիայի և Չեխոսլովակիայի կողմից, իսկ դրանից հետո Ուկրաինան դարձավ Խորհրդային Միության մաս։
Երբ Խորհրդային Միությունը սկսեց փլուզվել 1990-91 թվականներին, Ուկրաինայի ԽՍՀ օրենսդիր մարմինը հռչակեց ինքնիշխանություն (1990թ. հուլիսի 16), այնուհետև` բացարձակ անկախություն (1991թ. օգոստոսի 24), քայլ, որը հաստատվեց համաժողովրդական հավանությամբ` հանրաքվեի ժամանակ (1991թ. դեկտեմբերի 1): 1991 թվականի դեկտեմբերին ԽՍՀՄ-ի կազմալուծմամբ Ուկրաինան ձեռք բերեց լիարժեք անկախություն: Երկիրը փոխեց իր պաշտոնական անվանումը՝ դառնալով Ուկրաինա, և դա օգնեց հիմնադրել Անկախ Պետությունների Համագործակցությունը (ԱՊՀ)՝ նախկինում Խորհրդային Միության հանրապետություններ հանդիսացող երկրների ասոցիացիան։
Անգլերենից թարգմանությունը՝ Լևոն Ավետիսյանի
Թարգմանության աղբյուրը՝ https://www.britannica.com/place/Ukraine
«Պատուհան» ամսագիր 