Իրականությունն այնտեղն է, որտեղ դու ոչ միշտ կստանաս ուզածդ, ոչ միշտ երջանիկ կլինես, ոչ միշտ ուրախ և սիրով պատված, ոչ միշտ լավը, բարի: Իրականությունը դժվար է ընդունել: Դժվար է ընդունել այն ամենը, ինչ կատարվում է: Մեկը օգտագործում է և գնում, մյուսը՝ մնում, մնում մինչև կյանքի վերջ: Ոչ միշտ է իրականությւոնը տալիս այն, ինչ ուզում ես, բայց դա առիթ չէ փախչելու: Երբ վազում ես իրականությունից այնտեղ, որտեղ չկան խնդիրներ, կա միայն սեր, քնքշություն, բարություն և երջանկություն, արդյոք այդտեղ ինչ-որ բան կստանաս ինքնախաբեությունից բացի:
Այո՛, իրականությունը դժվար է, բայց առանց իրականության դուք չէիք լինի ուժեղ, հասկացող: Իրականության տված այդ բոլոր ցավերը լինում են, որ դուք ինչ-որ բան սովորեք, ոչ թե որ վազեք և թաքնվեք: Իրականությունը դրախտ չէ, բայց փախչելիս նույնպես դրախտ չես ընկնի:
Հեղինակ՝ Յանա Սուքիասյան
«Պատուհան» ամսագիր 